..// تــوكــل على الله ..//

توكل على الله
السلام عليكم ورحمة الله وبركاته

.

.

جيت بعد الغيبـة تحطـم فـؤادي
يا سحاب الصيف ريقي ما تبلـه

وردٍ أحمر كان من بيـن الأيـادي
مات ظامي في فيافـي مضمحلـة

لا تنـادي يـا منـادي لا تنـادي
ماتـت ورود المحبـة مـنـك لله

إنت اللي تنتظـر لحظـة بعـادي
والهجر سيفه على شوفي تسلـه

قلبك الأبيـض تغشـاه السـوادي
يا مدور للهجـر بأسبـاب زلـة

قلت لي (مابيك)وتحطـم فـؤادي
كلمتك خلت فـؤادي فـوق ملـه

ليلةٍ صعبـة يغطيهـا السـوادي
صرت أفكر قلبي المجروح من له

شي عادي بس ما هو شي عادي
لين قلبي بالـورق يلقـى محلـه

دون صوت آقولها كنـي بـوادي
قلتها وأسمع صداها مـا وصلـه

شامخة معتـزة وكلـي عنـادي
روح .. روح .. الدرب قدامك تدله

وإنت يا من زدت بالعين السهادي
وقلبك من الانتظـار اليـوم ملـه

حلمنا اللي يصرخ ولبس الحدادي
ليه تنهي حلمنـا بأسبـاب زلـة

أرضى بالحب يتوفـى بالمهـادي
قبل لا يكبر .. يمـوت ولا تذلـه

أخسـرك ..لكّـن لالا للتـمـادي
ما تمادى لو خسرت الكون كلـه

عايشة في وحدتي في جو هـادي
الأمانـي كيـف والأحـلام دلـة

عايشة من دون أم وأمـر عـادي
لو عيوني تذرف الدمـع وتهلـه

وإنت روح أرجوك يا محطم فؤادي
من عقد حبلك على قلبـي يحلـه

ملطووش..لعيونكمــ...